ادارہ محمودیہ كے قیام كے وقت ہی اہتمام كی ذمہ داری آپ نے اپنے بڑے صاحب زادے حضرت مولانا ‏حكیم نظام الحق عرف نوشے میاں نوراللہ مرقدہ كو سونپ دی تھی۔اللہ نے انھیں بے انتہا خوبیوں سے نوازا ‏تھا۔ انتظامی صلاحیت میں كوئی ان كا ثانی نہیں تھا۔ انتہائی دور اندیش اور حالات شناس تھے۔ ‏1959ء میں بانی ادارہ كے انتقال كے بعد آپ نے علاقے كے افراد كی ہر قسم كی دینی و ملی رہنمائی كرنے كا ‏فریضہ انجام دیا۔اپنے والد بزرگوار كےلگائے ہوئے چمن كی آبیاری اور ان كے مشن كو پایہ تكمیل تك ‏پہنچانا اپنی زندگی كا مقصد بنالیا؛لیكن 2/فروری 2008ء كی وہ رات آگئی جس میں آپ اپنے مالك حقیقی ‏سے جا ملے۔اس كے بعد ان تمام ذمہ داریوں كا بوجھ مولانا اسلام الحق اسجد صاحب كے كاندھوں پر آیا۔