ضلع لكھیم پور كھیری اور قرب وجوار كے اضلاع :سیتاپور‏،شاہ جہاں پور‏، ہردوئی وغیرہ جہالت و بے دینی كی تاریكی میں غرق تھے۔یہاں كے ‏باشندے غیر شرعی بدعات ورسومات میں ملوث تھے۔اللہ رب العزت نے اس سرزمین پر اپنا فضل فرمایا كہ 1883ء كے متبرك ماہ رمضان ‏میں عارف باللہ حضرت مولانا حكیم رمضان الحق نور اللہ مرقدہ ‏،یہاں پیدا ہوئے۔انھوں نے اپنے والدین محترمین كے زیر سایہ پرورش پاتے ‏ہوئے عصری تعلیم میں مڈل كلاس تك تعلیم حاصل كی۔اس كے بعد علوم دینیہ حاصل كرنے كا جذبہ بیدار ہوا‏، پاس پڑوس كوئی مدرسہ نہیں ‏تھا؛چناں چہ دارالعلوم دیوبند ضلع سہارن پور جانے كا ارادہ فرمایا‏۔گھر والوں كو علوم دینیہ كے حصول سے كوئی خاص دلچسپی نہیں تھی‏؛ اس لیے ‏گھر والوں كی كوئی تائید حاصل نہ ہوسكی؛لیكن پھر بھی آپ اللہ پر بھروسہ ركھتے ہوئے گھر سے نكل پڑے‏،كچھ پیسے پاس تھے‏،شاہ جہاں پور پہنچ كر ‏ٹكٹ خریدا اور دارالعلوم پہنچ گئے‏،وہاں مہتم صاحب سے ملاقات كرنے پر معلوم ہوا كہ بیچ سال میں داخلہ نہیں ہوپائے گا‏، یہ سن كر آپ مایوس ‏ہوگئے‏،آپ كے چہرے سے پریشانی كے آثار نمایاں تھے‏، تو مہتم صاحب كے تشریف فرما ایك بزرگ نے فرمایا كہ حضرت اس بچے كا داخلہ ‏بلاكسی ضابطے كے لے لیجیے؛كیوں كہ مجھے اس كی پیشانی سے ظاہر ہوتا ہے كہ یہ مستقبل میں كوئی بڑادینی كام كرے گا۔ ان بزرگ كی سفارش پر ‏داخلہ ہوگیا‏، آپ پوری محنت ولگن سے علوم دینیہ كے حصول میں مصروف ہوگئے۔بالآخر وہ دن بھی آگیا كہ آپ نے دارالعلوم دیوبند سے ‏فراغت حاصل كی اور آپ ایك باكمال عالم بن كر اپنے وطن تشریف لائے۔آپ اپنے علاقے كے پہلے عالم تھے اس كے بعد آپ نے بریلی میں ‏فن طب میں مہارت حاصل كی اور اپنے اساتذہ كرام كے ایماپر طبیہ كالج دارالعلوم دیوبند میں پرنسپل كی حیثیت سے خدمت انجام دینے ‏لگے؛لیكن علاقے كی بے دینی اور جہالت وگمراہی سے مسلسل پریشان رہتے بالآخر جب پریشانی اور بے چینی حد سے بڑھی تو اپنے اساتذہ سے ‏اجازت لے كروہاں كی ملازمت چھوڑدی اور اپنے وطن قصبہ محمدی تشریف لے آئے۔یہاں پر انفرادی اور اجتماعی طور پر لوگوںن تك دین كی ‏باتیں پہنچانے كا سلسلہ شروع فرمایا ۔قرب وجوار كے دیہاتوں میں جا جا كر لوگوں میں دینی بیداری پیداكرنے كو اپنا مشغلہ بنالیا۔اللہ رب العزت ‏نے آپ كو اس علاقے كی اصلاح كے لیے قبول فرمایا‏،رفتہ رفتہ دین نبوی كے اس پاور ہاؤس سے چاروں طرف روشنی پھیلنے لگی۔ایك عرصہ تك ‏عارف اللہ حكیم رمضان الحق اسی طرح بلا كسی دنیوی طمع ولالچ كے اپنے مشن كو آگے بڑھانے میں مصروف رہے۔عسرت وتنگی كازمانہ تھا‏، ‏سواریاں نہیں تھیں‏،راستے بھی نہیں تھے؛لیكن آپ ایسی بے سروسامانی كے عالم میں بھی اصلاح كے جذبہ كو لیے ہوئے گاؤں گاؤں‏،بستی بستی ‏لوگوں سے مل كر دین كی باتیں كرتے۔باہر سے علما ے كرام كو بلاكر ان كی تقریر كرواتے؛چناں چہ حضرت مدنیؒ آپ كی دعوت پر تین مرتبہ ‏محمدی تشریف لائے‏، اس كے علاوہ نامور علماے كرام متعدد بار آپ كی دعوت پر تشریف لائے‏، آپ كو یہی فكر رہتی كہ كس طرح ہمارے ‏علاقے میں دین حق كی روشنی پھیلے‏، لوگ جہالت سے نكل كر علم دین كی روشنی میں منور ہوں۔اور خواہش تھی كہ زیادہ سے زیادہ علما و حفاظ بن ‏جائیں۔ آپ نے اپنے بچوں كو عالم بنایا اور ان كے اندر خدمت دین كا جذبہ پیدا كیا؛چناں چہ آپ كے بڑے بیٹے حضرت مولانا نظام الحق صاحب ‏عرف نوشے میاں صاحبؒ نے اپنے والد بزرگوار كے مشن كو آگے بڑھامیں میں عمدہ خدمات انجام دیں۔